|
|||||||
|
|
|
|||||
|
|
|||||||
صدق القلوب
ما أقدرش أعيش .. من غير قلوب .. تحبنــــــي .. وأحبها
ما أقدرش أبعد .. أو أتوب .. عن حب ناس .. بأرتاح لهــا
ما أقدرش ألبس أى ثوب .. غير .. ثـــــــوب حياتي نفسها
ما أعرفش ليه .. فيه ناس كتير .. عايشة حياتهـا .. لنفسها
ما أعرفش ليه .. متغربيــــن .. حتى كمان عن أهلــــــــها
ما أعرفش ليه .. تعيش حيــــــاة .. تجهل واجبها .. وحقها
من غير قلوب .. إزاي نعيش .. وإزاي نحـــــــس بنبضها
من غيـــــر ذنوب أو شـــــئ .. قلوب بتنكـــر بعضـــــــها
من غير سبب .. حكمت علينا .. قلوب .. حسودة بطبعــها
بأحــــب .. كل الناس .. يا ناس .. إيه الغريب .. في حبها
بأحب أكون .. بين الصحـــــاب .. كأني واحـــــــد .. منها
بأحب أسعـــــد .. ناس كتير .. تسعدني لحـــــظة .. قربها
وأقول كتير .. صدق القلـــــوب .. أقصر طريق لحبــــــها
وأقول كمان .. إن الحيــــــــاة .. مش دايمة لينا .. كلـــــها
وأقـــول ياريت .. الحب دام .. بين القلوب .. مش حقــدها
بن عزوز