|
|||||||
|
|
|
|||||
|
|
|||||||
الفين طريقه
مش ح أغالــط نفسي تاني
أو أتــوه يوم عن حقيقة
اللي حبيتــــــه أناني
رغم نظراته البــــريئه
كل يوم له الف حــــاله
والكلام الفين طريــــقه
مش ح أصـــدق يوم عيونه
مش ح أقـول النيه صافيه
إللي دايما بين ظنــونه
مستحيل نظراته كافيـــه
والحنان لو بين ضلوعــه
ما اسألوش لوكان بعافيه
أفتكر علشــان بـأجـامل
ممكن أسمـــح له بخداعي
أو عشـــــان القلب طيب
ح أرضى عنه باقتنـــاعي
لو اصــــــدق يوم كلامه
يبقي ظنه مالهــوش داعي
وانتهت قصــــــة عذابي
وابتديت مشغـــول بذنبه
ذكريـــــات طيفه ودمعه
واللي كان من ظلم قلبـه
لكن الأيـــــــام بصبري
تمحي من أيـــــامي حبه
بن عزوز